Wednesday, June 27, 2007

TUM SAATH SAATH HO NAA?

kabhi milanaa kabhi Khonaa
kabhi saath saath chalnaa
yai hai jindagi ka melaa
tum saath saath ho naa?

kahin Bheed, hai Ghanairi
kahin rah hai andheri
kahin roshni ki khushiyan
kahin machliyan sunhaeri
kabhi seediyon pe chadhna
kabhi dhal par phisalna
yai hai jindagi ka melaa
tum saath saath ho naa?

kabhi charkhiyon ke chakkar
kahin shor baaje saa
kuch fikre aur dhakke
kuch muft banta saa
rangeen bulbuon saa
kabhi aasman main udna
yai hai jindagi ka melaa
tuma saath saath ho naa?

kahin maut ka kunwa hai
kahin mashkharon ke jaadu
kabhi dher saare gubbare
kahin mogre ki khusbu
kabhi jindgi ko silna
kabhi dard ko pirona
yai hai jindagi ka melaa
tuma saath saath ho naa?

By Aalok Jain

No comments: